Тропарь Мученикам Антонию, Иоанну и Евстафию, Литовским (II)

Автор

глас 4

От корене неплодна, преблаженнии, возрастивше Православныя веры ветви, первомучеником тезоименитии явистеся, злаго бо и нечестиваго князя ярости не убоястеся, повелевающа Христа отрещися. Сего ради мученическия венцы приемше, и со Ангелы Престолу Владычню предстояще, о нас молитеся, преблаженнии, православно чтущих святую память вашу.

Кондак, глас 3

Отеческую прелесть оставльше, святии, приведостеся Христови, всем души усердием стасте мужемудренно до смерти. Темже и взясте победы почесть воистину, о всех Владыку нашего непрестанно моляще.

 

Постоянная ссылка на эту страницу:
https://akathist.ru/troparion/fa16/tr-0730.html