Тропарь Мученикам Михаилу, князю Черниговскому, и боярину его Феодору, чудотворцам, мученикам и исповедникам (Перенесение мощей)

Автор

глас 8

Троичнаго Божества осиянием просветився, страстотерпче великий княже Михаиле, с премудрым болярином ти Феодором, самозванна к подвигом устремистася, сквозе огнь не идоста, кусту же и идолом не поклонистася, но оплеваста и нечестиваго царя обличиста, Христа же Единаго от Троицы Бога Суща исповедаста. И того ради кровей своих струями обагристася, славная. Темже и венцы от Него победная прияста, и нас свыше назираета, молим вас, святыя, молите Того, яко да вашими молитвами избавит нас от всяких обстоящих ны зол и подаст нам вся благая, Иже Един Сый прославляемый во святых Своих.

Величание

Величаем тя, благоверный княже Михаиле, и с болярином твоим Феодором, и чтим святую память вашу, иже за Христа кровь свою излиясте, и ныне молите за нас Христа Бога нашего.

 

Постоянная ссылка на эту страницу:
https://akathist.ru/troparion/fa16/tr-0758.html